Helgi Hallgrímsson Bücher

Sveppabókin er frumsmíð um sveppafræði á íslensku og byggist m.a. á hálfrar aldar rannsóknum höfundar. Fjallað er um eðli og gerð sveppa og hlutverk þeirra í lífkerfi jarðar, m.a. um sníkjusveppi, svepprætur, samskipti sveppa og dýra og sveppasprettu á Íslandi. Þá er rætt um matsveppi og eitursveppi og nýtingu myglusveppa. Enn fremur er fjallað um alla flokka sveppa sem þekkjast á Íslandi. Um 700 tegundum er lýst, en alls er getið meira en 1000 tegunda. Um 800 myndir í bókinni, þar af litmyndir af um 540 tegundum, auk teikninga og svarthvítra mynda. Allir íslenskir matsveppir fá ítarlega umfjöllun, svo og nokkrir vel þekktir erlendir matsveppir og eitursveppir. Bókin er ætluð almenningi jafnt sem fræðimönnum.