Eiser Soen

De Mil GOERENS huet 3 Bicher op Lëtzbuergesch iwwer Soen aus dem Herzogtum Lëtzebuerg an de Grenze vu 1659 geschriwwen, also ier eis Noperen äis dräi Véierel vun eisem Territoire ofgegarrelt haten. An den 3 Bicher ass rieds vun: - Hexen an Hexeprozesser - Hexemeeschteren a vum Däiwel - Hellegen a Wonneren - Tempelritter an anere couragéierte Ritter - Risen an Zwergen - Näischnotzen a raffinéierte Matmënschen - Maarkeréckler an Hiewanen - komesche Jeeër an anere bossege Patréiner - Gespenster a Geeschter - gespenstegen Déieren - Moueren a Suppen - versenkte Klacken an anere Phänomenen - Trauliichter an Ierliichter Di dräi Bicher si geografesch opgedeelt, an zwar vun Norden no Süden: Buch 1: D'Kantone Wolz, Dikrech, Miersch, Lëtzebuerg an Esch Buch 2: D'Kantone Klierf, Réiden a Capellen, donieft Neibelgien an d'Province de Luxembourg Buch 3: D'Kantone Veianen, Iechternach, Gréiwemaacher, Réimech an di fréier däitsch Territoire vun der Äifel, willkürlech an Nordwestäifel a Südäifel opgedeelt Op iwwer 2000 Säiten kritt den intresséierte Lieser eng zimlech détailléiert Iwwersicht, ënnermoolt mat den dozougehéirege Fotoen, iwwer dat wat sech am Mëttelalter an eisen Territoiren zougedroen huet a wat d'Fantasie vun de Leit déi Zäit befligelt huet.